ملک میں پولیو وائرس کے دو نئے کیسز سامنے آ گئے، جس کے بعد رواں سال مجموعی کیسز کی تعداد 67 ہو گئی۔
ملک میں پولیو سے متاثرہ بچوں کی تعداد میں مسلسل اضافہ ہو رہا ہے، پولیو وائرس کا ایک کیس ٹانک جبکہ دوسرا کشمور سے سامنے آیا ہے، پولیو حکام نے دونوں کیسز کی تصدیق کر ی ہے۔
رواں سال اب تک بلوچستان میں پولیو سے متاثر ہونے والے بچوں کی تعداد 27 اور سندھ میں 19 ہو گئی ہے۔
اس کے علاوہ خیبر پختونخوا میں 19 بچوں جبکہ اسلام آباد اور پنجاب میں ایک ایک بچے میں پولیو کے مرض کی تصدیق ہوئی ہے۔
